咁耐以來都冇去過濕地公園，今日踩車經過，見又有得泊單車，三十蚊買左張飛入去睇下，首先有影院放濕地生態短片，一行出戶外境區就見到貝貝的新居，好好彩見到佢係樹下面爬下爬下，都幾得意，但影唔到相。之後行過小橋流水，途中都好多漁蟲雀。可能重早唔係太多人，得位外國少女同我一齊行，難得清靜。之後去左三間觀鳥屋，冇人唔洗排就有得用望遠鏡，望出去個濕地全部都係紅蟹仔，睇佢地行下夾下咁，好鬼死得意，同埋都真係有好多雀，我不大興趣。爭係戶外都行左成個鐘，汗水流到滴落地，後悔冇帶支水。一入返室內，即刻去出曬名全港最靚，落地玻璃無敵濕地境既大家樂食返餐，食完行埋記念品店空手諗住行曬走得，原來唔係，重有展館，行下一個、兩個、三個！分別有死版展品、互動展區同濕地及樹林生物館，緊有樣野啱你睇，信我，三十蚊超值！！
俾陳慧琳唱爛左既最佳位置，聽好聽版。
