賣機撞上驗屍官，係麥當勞左睇又試，呢度花左哦度有積，由我初初好認真咁答，到後來「十年機係咁上下架啦，買來影相就冇問題既，收藏就未必o岩啦！」。搞左九個字同我講都係返去諗下先，「好呀！」見佢冇返應又唔郁，我就諗你係咪想講價呀！「其實係錢定有乜問題？」我問，「唔.....其實個價同部機.......」佢答。「你想幾錢？」「三千八得唔得？」「唔得，爭太遠。」......最後四千三成交。佢重要問可唔可以有兩日試用期，唔得就退錢。「得，你慢慢試啦。」我心諗你試一世都得，你搵到我先算啦！我想講我放上網賣二手野，只係轉讓物品，唔係售賣，我冇賺你錢。我更唔係一間店鋪，冇服務提供的。
晚上和朋友仔到渡船角食堂記，次次去唔係未開就收左，有位坐得低都要等成半個鐘先有得食，但係次次食完都唔覺得佢有乜好食過人，其實腸粉即制新鮮就好食架啦。但係又神推鬼擁又想返去食喎，食到咁苦，真係犯賤。
