30-10-2009

回程這天,昨晚睡得不是很深,半夜三、四時的閃電雷聲睡醒時也記得一清二楚。朝早去了看五、六個樓盤,全部也是可短租當酒店的,除開條數有四個人以上住,平均每人都可能只係要四五百蚊,有大大個廚房同客廳,一大班人一齊煮野食,係廳玩,諗起都開心。因為我地唔會提咁多,所以冇乜影相,記起最初入行,是做地產版的,還要是全行最瘋癲的地產報,當時的工作離不開三種。一是各大大少少樓盤大廈,影完又影記者永遠唔會搵資料相的外貌,調往港聞後亦逃不過,返夜時經常會臨時叫你夜媽媽走去影個地產外貌。二是地產代理及發展商的各式記者會,種類千其百怪,有在環球大廈不知留下多少腳毛的美聯記者會房,到五星級酒店的高級食府,共通點都是做地產的都好揾得,去到邊都唔會待溥你,時有又食又拎。以上兩種都比較好做及舒服,淨下的是最討厭的影盤,影高價貴樓還好,通常影一兩個就可以,而個盤環境通常較好,遇上嘉湖山莊中原四個美聯四個港置四個,咁就真係死得,如果大熱天時,係呢類十幾二十座既屋苑入面,由A座行去K座再行去Z座,以經夠你全身濕曬,唔好計上到去入一間關曬窗,焗到入左火爐咁既單位,有幾慘可想而知。