30-11-2009

29-11-2009

28-11-2009

公司同事BBQ，家中有天台真係一伴好開心既事，食左好多野，同好多小朋友玩，好眼瞓，唔知寫緊乜，相後補。

27-11-2009

紅磡時新的漢堡包真係好好食喎，今日試左芝士漢堡蛋飽，塊漢堡扒係新鮮牛肉打成，唔係現成一塊塊哦d，好有牛肉味，十五蚊，超值！一定要再去支持下。


http://www.openrice.com/restaurant/sr2.htm?shopid=18220

牛記，第一次食，海鮮真係唔錯，條魚蒸得好靚，小菜不過不失，價錢大排檔來講貴左少少，十個人每人都要二百幾，又係可以再食。

http://www.openrice.com/restaurant/sr2.htm?shopid=12788

26-11-2009

第一次去拔罐，怕痛怕到死既我一路做一路嘈，成隻手出曬汗。但做落又唔係想像中咁痛，但都忍受到既，不過做完今日又唔係好左好多咋喎，算啦，試下冇壞。

25-11-2009

《IQ84》賣得火熱，才剛把《大江大海》看完，之前看龍應台的《野火集》後，喜歡她的文字把那女性的溫柔細膩、對事物的細心觀察及激情，通通壓在理性下寫出來。平靜又感性。如她所說，戰爭從沒勝利者。由第一響鎗聲亮起，交戰雙方的官兵，流離失所的難民，就開始沒有做〝人〞的權利，戰死的死、餓死的死，他們全都不能為自己生命作主。茍且偷生的，心靈也死去一部份。不是失去兒女愛人，就是失去一條腿或一隻臂。這通通不只是禍害一代人的事，戰爭的傷痛由父傳子，子傳孫，一路影響下去。書中記載的慘絕人寰，在這悲情不再值錢的年代，除了令人哭過一、兩晚後就忙記，我知道世界和平的希望真的是很奢侈。

人民萬歲！

24-11-2009

一年一度的appraisal轉眼又到了，分數和上年差不多，車公真的很準，記得上年新年因工作訪問順道到車公求了籤，記得其中求事業的是下籤，這年的工作真是差到不得了，今年不再求了。老細的評分中紀律和溝通是最低分，其它也一般可以吧，最後加上一句，你控制下情緒吧。對，我也想呢。

23-11-2009

期待已久的XBox遊戲Call of Duty Modern Warfare 2打爆了，好好玩。和何小姐吃煲仔飯，點知條隊有成幾十人排緊，冇耐性的我放棄了，下次一定要食到。

22-11-2009

21-11-2009

那年夏天，這個冬天，同樣的人，由台灣到長洲。一樣玩得開心，失意放假一星期，寫這Blog時明天又要返工，心情和一星期前沒多大分別，但，總算快樂過。

20-11-2009

19-11-2009

流住鼻水睇都咁正！無得頂！

18-11-2009

住村屋原來又好似幾好咁喎，有私人空間冇咁密集式，又近郊外真花真草唔係人工盆栽 。但鄰居好多都養左唔止一隻狗，應該唔會靜得去邊，亦都相信好多曱甴老鼠，真係有辣有唔辣。

第一次咁凍踩單車，逆風踩上大埔，風真係大到寸步難踩，全身包實淨係露出隻手，凍到結冰。調轉頭順風落沙田真係好踩好多。

一、二、三、四被困在房中。

17-11-2009

好正呀，早知上廣洲睇啦，今年又去唔到台北。但上一上去兩個人又洗成千，窮到死咁，元氣重差兩個印花，明天最後努力，要加油。荃灣好鬼死凍，天文台話重凍過打鼓嶺，真係唔知點解。

16-11-2009

昨晚失眠，又很不開心，很久很久沒有做成什麼，連普通一隻垃圾故仔也沒有，三個月吧，加上見其它人沒有工作又可放假，火上加火。今天回公司拿了幾天假，休息一下，明天也不返工了。

15-11-2009

看了《2012》，我好懷疑有冇外國人會用十億歐羅去坐一艘由豆腐渣、毒奶、假蛋國家造的船。世界末日都係咁話啦，而且就算隻船唔係假,你買左既飛都可能係假! 同埋比著係我，我都唔會上船，全世界一齊死幾好呀，沒有人失去、沒有人傷心，都唔錯呀！

14-11-2009

上了惠洲及河源找旱情，上到去情況如上圖，水源充足，又行大運一日，每奉冬天，我著得衫多坐車就好昜因空氣唔流通作暈作嘔，今次都唔例外。

13-11-2009

呢幾日凍返，好想早d瞓，但每到五點都彈醒，乜事先!

12-11-2009

生日快樂！

11-11-2009

同事介紹，去了西環的BBQ (http://www.openrice.com/restaurant/sr2.htm?shopid=13581) 食飯，原本諗住要等位，點知八點半去到好多位。門口重有得泊車，不過好彩，食完等找錢時有差人抄牌，即走，食左燒羊架、扇貝、鵝肝多士、牛舌、蠔......大部份都唔錯，燒得幾出色，係個腐皮捲差d，重叫多左一碟！不過要等野食比較耐，同因為係比紙你圈，好易眼闊肚窄，叫多左。可以再食！

早前看了台灣電視台拍的新聞攝影記者紀錄片《睜開左眼》，片中訪問了三位分別入行十六年及五年的行家。兩位入行十六年的，一位在計畫好退休前突然被莫需有理由炒掉，另一位則意興闌珊放棄新聞轉調往拍業務部拍攝「業配新聞」，類似廣告加入新聞之類的東西吧，入行最短的最早意識到這行業的前景，轉行去。老實說，看完之後心真的涼了一截，很多他們提出的疑問、控訴，也不是經常出現嗎？什麼心中的一團火、什麼見證歷史的熱情，是否真的不會被日復日的工作失意，內在外在的各種與期望落差的失落所磨滅。攝影記者本身以是一種被動的角色，等新聞發生、被分派工作、配合記者採訪、以至挑選照片，除了按快門那刻，有什麼是我們可以控制？這感覺真的不好受。 在香港，至少在我眼前的，就是不斷把攝影記者磨合成對工作只有一個「做」字，愈沒有想法愈好，令你相信因這只是一份工作，只需完成上司指示就是好員工。不是想把這工作偉大理想化，也明白不少人靠這份薪金養妻活兒，但整體環境氛圍也叫人不如算吧。怎樣才算做好這份工，不知道，沒什麼，今晚對自己有點失望而己。只是看台灣的行家，欣賞他們還可以有自己的想法，還能有不滿。我在想，如果有天對工作失去了不滿，是否也是時候睜開左眼。

10-11-2009

--交通意外後有人被困 (Somebody trapped after Traffic Accident)

HP/LHP, LRU/MRU, AMB
IC: SStnO/StnO

--涉及大量傷者的事故 (Multiple Casualty Incident)

HP/LHP, LRU/MRU, LT, MCTC, 5 AMB
IC: SStnO/StnO

--大型飛機墜毀 (Major Aircraft Crash)

2 HP/LHP, 4 MP, 2 TL/Snkl/ALP, 2 LRU/MRU, 2 {BAT/HT/{HLT + BA Pod + {LRU/MRU}}}, ReT + MRU, DT, 2 MCU, LT, RHP, HL, [BFT + FIV]/[{FT/{HLT + F Pod + {LRU/MRU}}} + MP], (FV), CV (正常是會在墜毀的時間起計30分鐘後被調派) (Will normally be despatched 30 minutes subsequent to time of origin of Crash), WSV, MCTC, 12 AMB

Supporting Column –( 1 Column in each unaffected Command and comprising[4 MP, 2 TL/Snkl/ALP, ReT + MRU, [BFT + FIV]/[{FT/{HLT + F Pod + {LRU/MRU}}} + MP], MCTC, 5 AMB]*

* Supporting column will be despatched upon confirmation of an accident situation either through R/T from the 1st attending officer or via information from other sources (e.g. direct telephone line from Police Control, etc.)

昨天的交通意外中，首輛到場的救護車，被一名父親抱住成身血男童衝左上車，發曬狂咁''小''救護員叫佢地開車，但在這類MCI (大量傷者事故，即任何事中有超過八名傷者) 事故中，消防處的調派指引，所有MCI事件，不論是八名學生肚痛，定是IFC倒下，都只能跟從電腦調派五架救護車(AMB)及一架流動醫療車(MCTC) ，直到第一名消防/救護主管到場後發出增援訊息，在現時的MCI事件中，只有大型飛機墜毀事故在最初動員是十二架救護車及一架流動醫療車(MCTC) ，問題是應否在不同的情況下，容許控制中心按需要在最初動員增派救護車。而不需等待增援訊息，可知以現時救護資源，第六架、第七架救護車絕大機會最近是由港島、新界調派入將軍澳，能早一分鐘就是一分鐘。

另外，在MCI事件中，首架到場的救護車是需要擔任AIO (現場救護主管) 直至當值救護主任到場接管為止，AIO的責任是盡快報告傷者數目，需要的救護資源，如救護車數目及醫療隊 (HA Medical Team) 為現場所有傷者快速評級安排分流 (即在傷者身上掛上紅黃綠黑牌，其它救護車會依此次序處理傷者)，與控制中心取得各醫院可接收的各種級別傷者，安排各救護車前往那醫院，在現場協助MCTC設立''救護車停泊處''、''傷者收集處''、''臨時停屍間'' 等，AIO的工作在兵慌馬亂下有多難可想而知，而那小童及父親也只能明白，當時救護員只能以大局為重，不能為一條人命換三十幾條人命的生存機會。

9-11-2009

8-11-2009

今早單野十二點半，我早左半個鐘到。有太陽照又無風，焗一焗我成日個頭都痛到死。女朋友第一次和爸爸一起吃飯，好少見佢笑得咁開心，我都好開心，返屋企食左藥沖左熱水涼，早點睡吧。

7-11-2009

放假在家，打下機食下野又hea左一日，凍得哦兩日又熱返，今日重成二十八度，又要開返冷氣。

6-11-2009

買左水貨Call of Duty 6，好玩。

好耐冇同興食飯，開心。




別讓我哭

作詞：陳昇　作曲：陳昇　編曲：江建民
因為有山　才能依偎著雲　
然而它們可以生活在一起
因為有妳　所以才有等待　
等待情人風中依稀的身影
不瞭解自己　甘心做妳的影子
就這樣緊緊而無助的跟隨著妳
妳要我哭　我沒有了名字　
我的名字從此叫做孤獨（嫉妒）
因為我不放心我自己　才將我的生命托付了妳
我已尋尋覓覓好幾個世紀　此生不能讓妳從我懷中離去
情人豈是可以隨便說說而已
因為有心　所以才有秘密
然而大部份的時候都是些痛楚

5-11-2009

中午到了外面飲茶，離開公司食飯真開心，最少唔洗揀食垃圾兩餸飯定排長龍燒味。不用對住房內人更係有益身心，之後重買定糖水下午茶食。好多野想買，Xbox 期侍己久的Call of duty 10號出，今天己有水貨，但要貴多$100，都係等多五日。另一樣想買既係Canon 新出的數碼相機S90 ，好似好靚仔又好用，上次返大陸比人偷左部GRD己經想買返部，但三千幾蚊，都係諗下先。

4-11-2009

星期三要開工，又去搵馬生個墓，好快搵到。呢幾日唔知做乜，成日頭暈身慶作嘔，唔知似有左定更年期咁。早睡早起睇下點先。



有新野睇，講SF既paramedic。

3-11-2009

2-11-2009

拿著前天收到的郵件咭，懷著好奇的心情到郵局收件......

原來是女友偷偷用我拍的照片做了本小冊子送給我，感動，謝謝妳。

昨日看了台灣一套拍攝攝影記者的記錄片，當中有人說「我們攝影記者平常慣了只用右眼經View Finder看世界，我們應該睜開左眼，用平常心看看世界，看看身邊的人和事。」

1-11-2009

這是第一百篇網誌，估唔到我會堅持到可以每日一篇，雖然有時寫得好求其，但我都希望呢個網誌可以令我每日都有時間停一停，諗下野。亦都可以俾真正關心我既人，知道明白我多一點，我有信心一千篇，一萬篇的日子都會來臨。

31-10-2009

Halloween 去等左好耐既生力Wild Day Out 2009 ，六點幾去到，初頭都係一ｄ不知名歌手及樂隊表演，之後開始有盧廣仲、蔡健雅同范曉萱。 當然重有我既目標蘇打綠，但佢地唔齊人同淨係唱得七首，好唔夠喉！！之後去左後台同林暐哲、范曉萱合照。

之後去左興屋企打邊爐，食大閘蟹。我帶左北海道買既超巨帶子同蝦去食，重有咖啡燒酒、余市特產十年Whisky，飲到呢......最後又瞓埋先走，開心爆。

30-10-2009

回程這天,昨晚睡得不是很深,半夜三、四時的閃電雷聲睡醒時也記得一清二楚。朝早去了看五、六個樓盤,全部也是可短租當酒店的,除開條數有四個人以上住,平均每人都可能只係要四五百蚊,有大大個廚房同客廳,一大班人一齊煮野食,係廳玩,諗起都開心。因為我地唔會提咁多,所以冇乜影相,記起最初入行,是做地產版的,還要是全行最瘋癲的地產報,當時的工作離不開三種。一是各大大少少樓盤大廈,影完又影記者永遠唔會搵資料相的外貌,調往港聞後亦逃不過,返夜時經常會臨時叫你夜媽媽走去影個地產外貌。二是地產代理及發展商的各式記者會,種類千其百怪,有在環球大廈不知留下多少腳毛的美聯記者會房,到五星級酒店的高級食府,共通點都是做地產的都好揾得,去到邊都唔會待溥你,時有又食又拎。以上兩種都比較好做及舒服,淨下的是最討厭的影盤,影高價貴樓還好,通常影一兩個就可以,而個盤環境通常較好,遇上嘉湖山莊中原四個美聯四個港置四個,咁就真係死得,如果大熱天時,係呢類十幾二十座既屋苑入面,由A座行去K座再行去Z座,以經夠你全身濕曬,唔好計上到去入一間關曬窗,焗到入左火爐咁既單位,有幾慘可想而知。