頂唔順，走落街做邊青，行下放鬆下，但鬼死咁熱又冇興趣睇人打波，想起好友，拎埋上年南非買左未飲既04百零蚊貨仔去佢屋企。飲下傾下又到四點，唔知係咪怕我悶，由中學到宜家講左好多我知同唔知既野比我聽，我記得我好似冇同佢認真講過呢排既事。點解冇講又真係唔知喎，不過其實都知同乜人講都好，都係叫我咁樣咁樣，唔.......又幾開心既，同你一齊，不過搞到咁夜同瞓埋你張床真係唔好意思。唔係講笑，我覺得過左呢晚，好返七八成，早知一早搵你煩下你，第二朝瞓醒，真係抄左，算啦，食張告票總好過比人告醉駕，更加好過飛圖TA啦。車埋佢返工我都返屋企沖下涼瞓埋下半場。
七夕節喎，去買份小禮物先。好似好耐冇送野比你。過大學踩返粒鐘單車，身體真係麻麻，一陣就好攰，真係要操下，架單車好似有野唔對路，睇來睇去又唔知乜事，沖涼見到有個乞人憎大陸佬，拎住自己條底衭係乾手機度係咁吹！乜人來架，望住佢重要完全唔覺得自己有問題。過緊九龍你就打來話走得，重好，油塘接你重好，唔洗俾五十蚊益隧道公司，車途中嘈左兩句，夜晚傾返原來都係大家講既笑原來大家係唔明，小意思吧。又到支持偶像時間，上次係幾時呢？話咁快又見，同上次一樣，全場有八成人都係支持呀品源同張宇，唔識呀偶像。淨低哦一兩成都可能只係聽過佢首把悲傷留給自己，呀品源同張宇收花(真係乜野年代既人係冇得呃人)收到冇曬手拎，偶像一束都冇，當然啦，佢手都唔同人握，但佢根本唔在呼呢d野，鐘意佢既人亦唔會做呢d野，好有格，正！呀品源真係好難頂，請來做嘉賓既農夫都頂唔順要寸佢，佢拍得住周華健，那種充滿撈味既感人霖女說話、動作。很噁心。張宇就實際得多，但又真係要咁，先多粉絲喎！吹脹！
今晚偶像唱既最後一首歌
夜晚忍唔住打俾你，講完對你對我心情也好了點吧，從來，都覺得愛不是尋找回來的，因為世界那樣大，只會愈發現更多更好的，那是無止境的，不會知足的。愛應該是兩個人磨合中產生的、包容中發現的。那才長遠，那才是實在的。
廢話講完，多謝我身邊的所有人。
