三十六度高溫下，受昨日耀耀挑戰，決定初踩青山公路，原定荃灣到屯門，一路到汀九先有位泊車，入左兩粒鐘錶起程，先來條大上斜路，再直衝落山，風景很美，汀九青馬加大海，但很辛苦。到深井浪翠園，又見大上斜。唉，頂唔順，太不自量力。回航共只踩了四十分鐘。踩車唔成去洗車，買左支紅威寶，洗洗下成身濕過架車，除衫露豬腩肉，好在冇乜人行過，沖涼飲茶，見到之前做過冇出的金獅貓之父，世界真係細，之後探細佬，口腫面腫重要食唔到野。八人房真係好迫，做乜都比左右病友睇到，買保險真係冇錯。尖沙咀行街，好耐冇買衫衭，一百七十元牛仔衭，三十四腰剛剛扣到，但衭身貼到死，唯有落街著，原本話聽日要開工，又唔洗，呃左日假。晚上春夏秋東打邊爐，四個人叫到一檯都係，以為食唔曬，叫埋二細佬落來食，點知食下食下又唔係好多喎。去拎埋隻羅大祐演唱會，回家前你那一問，真的沒有。打完Blog，開碟睇。
