近期潮爆《八十後》，身為一份子有幸採訪同代的八十後社運份子，到了觀塘的一間網上電台基地，按門鐘開門的是上圖青年，他手持一把大刀，要我們報上名來後經證實身份才開門，話而家非常時期，怕電管局拉人封鋪，以防萬一喎，等左半個鐘，終於人齊，明明約左，又話唔想做訪問。點解？放工好攰唔想做呀。其實傾下計咁咋喎？ 今日唔想做呀。
氹下氹下就開始做啦，個網上電台開係工廠入面，除左兩件反高鐵反領匯既Tee同一堆社運貼紙外，就係枱上面既烈酒同成個雪櫃既啤酒。做訪問途中，一位八十後尾尾尾既女子，係度捲煙，但除左煙絲重放左一粒粒白色粉末入去，都好難要人信唔係DD啩。經過呢幾日同八十後接觸，慶幸生於八十後，我相信自己可以更有競爭力。
