29-04-2010

紅磡工廠區的stanley deli ，想試好耐，上次去過原來星期日休息。今晚訂左位去到包場，得我地一枱，好在伙記細心得來又唔會太over，唔係都幾唔自然，叫左兩個set dinner。

黑椒吞拿魚伴雜菜沙律 --------OK，吞拿魚燒得啱啱好，但又唔係好新鮮哦隻
芝士焗莧菜卷配茄汁 ----------好食

南瓜湯-------------------------好飲，落足料
雪芭 ----------------------咳，冇食
炭燒美國安格斯西冷扒配紅酒汁 ----------普通，牛有炭燒味但冇乜肉味，配菜也不見特別出色
法式燉蛋------------------------------最好食一樣，甜度適中，好滑

唔.....可能之前太大期望，佢又唔係唔好食，但又唔係會食到有驚喜哦隻，一次半次就夠，冇乜衝動會想再去。

28-04-2010

己為老奉有40-50% 的bonus 只有23.5%，蘋果有40%，Me有50%，飲食有100%，做新聞真的不值錢哦，都是吃喝玩樂，女人八婆野先幫公司賺到錢。

bonus少了，想去玩幾日，行開下的衝動又少了，本來想用亞洲萬理通加四百蚊去高雄行下，綠島、金門等離島去靜下，但冇錢哦。

相機、呢樣哦樣的分期開始見終站，重有半年就還清所有。到時每個月又多三、四千洗，又可以儲下錢。諗起都開心。

發現了Tiida的換電方法，原來大昌收人一百蚊既換電服務只需要一把剪同一粒價值十蚊既電池，慳返二百蚊。

26-04-2010

朋友A有平相機賣，同事B有興趣，我就做左吃力不討好既媒人啦。

24-04-2010

想起很多，但不寫了，就把一切放在心中，再看你寫給我的信和所做的事，仍滴下眼淚。你明白我的。

22-04-2010

01-04-2010

收工準備走，同事血流披面行返來，原來係公司留下踏road bike自抄，高速飛落地冇帶頭盔，眼角、手腳、背都有wound， 學過急救，知道要點處理，但見到識既人受傷，同平時開工見到既死死傷傷真係好唔同，心入面真係會驚同緊張。重要當時佢個人重好亂，唔記得曬之前既野。明顯LOC過，再發生多次真係唔應該車佢入醫院，應該等白車做足全套long board ，HID大龍鳳。去到醫院分流Cat 1直入房........白車好可能R房留位。好彩今次淨係面骨裂左，如果頸、脊骨有事，真係害左人。見完醫生我地就走了，見他一個人，心中有點不安，但還是走了.......