29-10-2009

28-10-2009

27-10-2009

行程第二天,一朝早就坐車去今次目的地ニ世古,車程兩個多三個鐘,因為後段為山路,坐到我有d暈車浪,入到去攞左酒店房先,今次間酒店係由一班外國鬼佬開,佢形式係一間間屋賣左比人先,再幫屋主管理租俾人,亦有一部係係呢間公司自己直接租俾人,間間都好似豪宅咁靚,我地住哦間三房兩廳,連露台,租又唔貴喎,四個人都係二千上下,搞到我都好想自己來玩,亦聽聞好多間都賣左比香港人,香港真多有錢人。之後去左一間有爬石牆既餐廳食午飯,食左個超巨漢堡,但塊漢堡扒麻麻地,乾左d。之後去左雨中行山,有兩個香港女人咁啱撞到加入一齊行,冇野睇冇相影。去埋一間由小學改建而成的民宿參觀後就去食晚飯,又係一大班地產鬼佬食,我就唔理,食食食食。

26-10-2009

第一次坐香港快運,聽人話佢之前係做開貨運,服務又唔錯喎,一定冇我最討厭的國泰咁乞人憎,今次班機撞啱無線去拍野,呀人氣天皇Laughing哥謝天華坐係我側邊既前一排,明星即係明星,戴帽黑超唔少得,行到邊都要一面自信既笑容,好鬼自感哦隻,同完來唔係做戲先有,食完飛機餐真係有兩母女走來合照!
去到北海道五點幾,天己經黑曬,出到市中心既酒店先知原來第二晚開始係二世古既先係俾兩間房我地,算!一晚,大家忍下,之後大隊去左狸小路一間好地道既居酒屋食,都唔錯,但同成班鬼佬一齊食,好唔自然,返到房無無線上網,走左落大堂用佢地既電腦上網,都幾快,返到房一如以往冬天去曰本玩,酒店房例必開唔到冷氣,空氣又乾,好似燒炭咁,係床上面典來典去都瞓唔到,最後要開窗,先瞓到下。

25-10-2009

24-10-2009

和同事試了聞名己久的水車屋，以前萬萬聲先落得樓，而家輪落到做任食放題，重要三百有找。食物質素非常有誠意，冇將貨就價，食完去左星光大道飲野，開心的一晚。

23-10-2009

今日同通緝犯同事去仁安醫院Confront，過往經驗呢條友仔事必遲到，單野一點鐘的。我朝早十一點再打去約實多次，佢話幾點都得，我話就你時間啦，佢答咁一、兩點啦。我最後話咁一點等啦。如是者我一點去到，唔見人，一點十五分打去話來緊，再等，都係唔見人，一點三十分再打去又話來緊！最後一點四十五分先到！重要唔好意思都冇句，咁你一點唔得就約兩點啦，人渣！

22-10-2009

萬聖節靚女扮鬼圖片故事被殺，就貼在這裡吧。

21-10-2009

之前因經濟差，全公司減薪三點五個百分比，昨天傳出本月將會回復減薪前水平，今天更經證實了，想說這公司真的算係咁，人工福利圴比同行優勝，也可能在這工作的人，往往知道這點，終日擔驚受怕會失去這份優差，心理總有點不平衝，說真的，以前在中型報章工作，自己和同事也不會把裁員減薪等事放在心中，工作氣氛自然輕鬆，同事間關係也沒那樣競爭，純品一點。到這邊後，想法和處事總有點改變，不覺得這是壞事，在香港傳媒工作，不曾在壹集團生存過，才有點損失吧。

20-10-2009

• 瘋Show快活人客席主持江美儀講到今日有單高空墮燒烤义，插中路經婆婆。該主持引用報紙話上址係高空墮物黑點，房署在每座大廈天台安有閉路電視，但被村民踢爆原來係裝假狗的。主持就話「我地要大聲鬧爆佢呀！」我以為係指兇徙啦，原來唔係！「鬧爆呢個政府，唔理市民安危，裝假狗都得！」我覺得，首先犯錯要鬧爆既係兇徙，使用真閉路電視又好假狗又好，都只係阻嚇及事後執法用，事件源頭係乜都未搞清楚就鬧鬧鬧，別外，裝假狗既原因有冇了解過，會唔會係拍到屋內的私隱問題，會唔會係拍攝角度根本不能覆蓋40層樓640戶的技術問題。很反智，多得這主持，香港愈來愈多刁民。
• 無線新聞領導人外訪完畢，領導人向連日採訪記者致謝，片段中方東昇握著領導人手，報上機構名稱及名字，領導人連聲謝謝，下一個畫面就是領導人向各記者再次致謝，整段新聞長約兩分鐘。我真係唔明有乜新聞價值，有乜市民會有興趣。
• 沙田禾輋村禾輋商場被領會洗禮後，開了吉芝島。吉芝島內則開了間《味吉拉麵館》，之前不知在那看過介紹，今天特意一試，點了醬油牛肉拉麵，湯底感覺是煲出來，不是味精湯，牛肉生熟適中，整體非常唔錯，值得試下。
  

19-10-2009

朝早八點等到夜晚七點，好攰好眼瞓但又瞓唔著，諗住食瞓教藥休息下，點知聽日又要等過。今晚有進步，瞓到五點先彈起身，你唔開心我又點會唔知喎，由當年讀書到宜家，你有乜挫折都收係心。乜都收埋唔同人講，乜都話少事解決到......呀朋友，希望你真係快d冇事。

18-10-2009

17-10-2009

晚上和媽媽及女友吃過晚飯，回家坐坐，翻看小時候我的照片，那時真的十分可愛，媽媽說我是超重B，一出世有八磅多，她背脊的骨刺就是駝我時造成，這四張照片何時何地拍己沒記憶，有兩張是不知那年三月二十二日吧。昨晚吃過的兩種藥，其中一種太利害，二＋四小時後的現在仍很眼瞓，我相信它真的能令我不亂想，但我覺得現在未有太需要它，不吃了。另一種則話會令食慾及性慾降低的！呵呵，呢隻要乖乖地食了。

朋友啊

让我们一起牢牢铭记呀

别在乎 那一些忧和伤

我们今生就像梦一场

有你陪喝醉了又何妨

16-10-2009

來緊六個月每晚陪我既小丸子。

超級正，拍得勁靚的MV，非常鍾意！

15-10-2009

看了《饑渴誘罪 》首映，導演朴贊郁也到場致謝。沒想像中那樣好睇，神父變身吸血鬼的宋康昊

沒有太多內心轉變的戲份，相反女主角非常突出，不喜歡《原罪犯》式暴力美學，故事也不是很利害，期侍《殺人回憶》導演奉俊昊的新作《骨肉同謀》。等一次睇戲有野送，一件XS Size的星星Tee！

14-10-2009

13-10-2009

清晨六時，好友陪了我一晚，有說出口的沒說出口的我知你也聽到。關了燈的一刻害怕的失落又來，只有逃走，回到家樓下天開始亮。要睡了。

12-10-2009

那天，我們在受襲警員朱鎮國的病房門外等。照片是誰拍的，忘了。

11-10-2009

一人在家，午、晚餐自己搞掂。不打算出街，原本想睇下書，坐係電腦前無事又忙一輪。午睡醒下起大雨。爸爸寄來的信，記憶中第一次寫信給我。

10-10-2009

9-10-2009

總有一天我們都忘記 曾為了一個越演越爛的故事傷心

總有一天我們都嘆息 笑著緬懷有過的愚蠢的美麗

總有一天我們都死去 丟掉名字的回憶再沒有意義

就讓現在過去

8-10-2009

答了一百八十絛問題，得出以下的九型人格，我覺得比星座生肖準得多。

各類型分數

第一型︰12%
第二型︰10%
第三型︰14%
第四型︰8%
第五型︰10%
第六型︰8%
第七型︰3%
第八型︰10%
第九型︰7%

主要人格︰ 第3型

第三型 ─ 動機者
健康的第三型是有自信的，覺得自己很棒、享有高度自尊、相信自己和自己的價值觀。他們是能適應的、精力充沛的，常常很吸引人的、有魅力並受歡迎。他們有強烈的企圖心要讓自己更好，儘可能的成為佼佼者，通常在某方面很傑出，令人欽佩，是人性的理想，具體呈現了許多令人羨慕的特質。別人希望像他們那樣，效法他們的成就。他們是良好的溝通者、動機者、以及提倡者，知道如何將事情以大家可以接受和不得不接受的方式提出來。最佳狀況：自我接受、以內在為導向、真實的、可信的、做什麼都表裡一緻。接受自己的限制並擔然處之。

健康的 3號特點：

內在導向、適應力、企圖心
有自信心
精力充沛，能量高
精明
吸引力強，有神采
成就出眾
有同理心，能與人建立好關係
是個成功的領袖

一般的 3號特點：

競爭、形象投射、表現輕蔑
好勝心強，常常想超越別人
著重包裝，唯因花太多時間包裝，忽略內涵細節
自命不凡，愛吹噓自己，說得天花龍鳳
工於心計，因為３號為了勝利可以不惜一切，放下自尊，成就自己

不健康的 3號特點：

機會主義、口是心非、報復
愛利用別人，常覺得別人隻是工具，不介意讓人踩肩膊，亦愛踩人肩膊
認為人與人之間隻有利用，妒忌心重，常想贏別人
會用盡不同方法手段保護自己形象，他的手下做好事，他會邀功，甚至炒了下屬。若３號不健康，很容易會背叛他人，他隻要成就，道德感情都放在一邊

給 3號的建議 :

在你和其他人的人際關係中發展仁恕寬厚與合作，克制自己想要壓過別人的欲望

要誠實，不要對別人誇大自己的成就與才藝。不要因為想在別人心目中留下深刻的印象而膨脹自己的重要性。

讓自己變得值得信賴

發展出你的社會良知。你是社會的一份子，取之於社會便應回饋於社會

發展出你自己的個性，不要為了被接受而接受，把你最好的天賦表現出來，培養你自己的態度與價值

支持並鼓勵他人，不要隻尋找別人對你的注意和欽佩

避免膨脹自己的所做所為，不要期待別人給你太多的讚美。請覺察自己的期待是否太過膨脹

如果沒有加以控制，和別人競爭的傾向最後會導緻對別人的敵意和輕視。這些傾向是你的衝突的根本，並且造成你的許多挫折感。

專注自己的能力，做值得做的工作，讓自己朝最好的方面發展，不要分神去和他人較長論短

之前做的羊羊圖故，原本上星期刊出的，但因為稿多，hold起了。老板呢幾日問左我三次，會唔會影到前景放羊，後面一排樓景。突出城市與牧羊人關係的趣味。這影像是在我sell故仔時說希望拍到的，後來兩次上山放羊也刻意期待這畫面出現，但角度位置與技術性問題，未能拍到。今次不是第一次出現這困局，做塗鴉時希望拍到偷入地鐵車廠、迪士尼希望拍得Space mountain內部維修，對，這通通都是我最初幻想希望拍到的，但在我努力嘗試後，不成就是不成，有時在想，我們拍的是新聞，在追求幻想的影像時，是否忘記了故事的最初，本末倒置了。過往的我，會堅持自己的相片，我認為是好的，就會爭取，不在呼老板所說。但這次我連自己的信心也沒有，自己要求改做普通故事，不開心，大概因此吧。

7-10-2009

十一點起身與兩好友踩單車，大學出發，最後河上鄉作結。冇乜上斜，啱我，踩完同佢地消費，再打邊爐。


八元任食豆腐花，我食左一碗芝麻豆腐花、一碗普通豆腐花、一碗豆漿。都回本呀。

豆腐神......

6-10-2009

《D-9異形禁區》在南非拍種族問題，大玩外星人暗寸地球人。要故仔有故仔，要畫面有畫面、冇得頂！

終於換返車頭大燈，怕煩怕貴拖左幾個月，原來只要$250就解決得到，有時，事情又未必想像中嚴重。

星明真係等到甘生，重要係我地走後五分鐘，我......有責任，檢討下。最怕的〝點呀你?〞又出現了，死得。

妳轉左工真係多左好多時間洗，十五分鐘就到旺角，又可以慳返四十蚊隧道費。正！唔該妳再食多d野，唔係唔暈就有鬼。

5-10-2009

圖故被Hold，開工十三小時，乜都做唔到，同事連搵張相都爭，三個月冇做過一隻故仔。失落 X 99999999。

4-10-2009

四面佛還神，食完午餐回家，休息下，明天又上班。

3-10-2009

中秋節，做節。冇訂位下天真以為六點半咁早去到就會有位，去到沙田明星見排左十幾個人等拎位，跟住排隊尾，見唔對路問下，原來排緊既係訂左位等帶位，我地冇訂位的未開始處理。等多陣問多兩次見黑面加虛假笑容知客小姐都冇乜表示，走吧。
大學站Hyatt、科學園等冷門地方通通爆滿，失望之際母親想起之前食過的酒樓，初頭打定輸數，打電話去有位即刻訂位，普普通通都可以。

晚上聯同友人登山賞月，回家拎埋未用過的冰箱，加上月餅、水晶梨、汽水等出發。城門水塘山腳以經有警察封路，重俾佢地話我單眼仔快d換大燈，唯有過去大帽山試下，點知又係唔上得山。唔好再煩，去元朗公園大草地算。第一次這樣坐在草地吃點東西傾下計，見到有人煲蠟，有人夜放孔明燈，玩到三點幾離去。吃完我覺得好好食的元朗腸粉後回家，結束完滿中秋夜。

2-10-2009

朝早六點起身，七點鐘去到洪水橋，再到上次影過一次的羊羊農場。剪草、揸奶、放羊，一影就十二個鐘到七點收工，一腳羊屎，好攰，但好開心，好開心。 (冇咁攰其實好多野想寫！)

1-10-2009

國慶日，拿一張寫上壹週刊的門票，上大陸一間洒吧放蛇。上期踢爆完人地，今天再去，工作順利。昨天老細話今天返工的都之前去過放蛇。我唔做可以叫C組做，上到去又有扮細心短訊，工作了不夠一小時就收工，但回到家，想下想下又不開心起來。