拿了新玩具拍的底片，除了影暗了，應該沒有機件問題，以六百元買入真是超值。去了深水埗找大陸制燈箱，諗住可以平些，但所有店都只有日本貴貨，再到紅碪廣場找，給我發現了一百四十元的，即買。夜晚臨時召去接機，報稱跌斷腳的人大步大步行出來。
聖誕正日，訂了M.A.X Concepts的到會自取，約了傍晚六時去新世紀取貨。四個人拿十盆菜一隻火雞走路回好友家有點吃力，其它人未到齊，由熱辣辣香噴噴等到全都涼了才開始。全都很難吃，除了本身是涼的沙律及煙三文魚外，所以今次食物質素不能作準，打過了機，喝過點酒，就回家去了。繼續李宗盛
過了一個提早的平安夜，在最人多熱鬧的時間回到家睇電視。
走過十年冇行的銅鑼灣，送了一份開心的禮物，也收了兩份合心水的禮物，加上我認為全世界最好食既小籠包.......鼎泰豐新店。快樂而滿足！
同事P送的聖誕禮物！紐約的一號救援車 FDNY Rescue 1 ，全紐約共有五輛救援車，分別駐守Bronx 、 brooklyn 、Staten Island 、Queens 及 Rescue 1 駐守的 Manhattan， Manhattan區份內因有Hudson River ，車上所以特別額外有蛙人裝備及救生船於車頂，一月時客機急降 Hudson River ，Rescue 1 是首輛前往的救援車 。 客機急降 Hudson River 時FDNY之無線電通訊。
Rescue 1 之真身
前往任務的Rescue 1
壓於世貿中心下的Rescue 1。
.jpg)
荃灣Cycle換左新車！今日屋企Standby，第一餐係接完小朋友放學去沙田食既拉麵，呢排都冇乜胃口，成四點先食野。之後去吉芝島行，見和牛特價，人一世物一世試下啦，但煎完好鬼油，OK啦。
架車撈泥咁污糟，忍唔住今日補假走去大學洗車，聽機聽到粉嶺泵有轉山草近民居要Full No.1同Task out直升機 ，冇理到繼續洗埋先，洗完重未搞掂重話有三條火線，各一百米，向山上蔓延，燒到電纜，要求中電到場，另外開左另外兩轉係左近的山草，粉嶺台哦轉重有廿米燒到紙廠，又要Full No.1 同Water relay增援，見咁耐冇影過火入去睇下。首先去左流水嚮燒近紙廠哦轉，係粉嶺台拍上水泵、大埔泵、粉嶺細搶同大埔東喉車，Tango East都入緊去睇，去到見到真係幾近紙廠，粉嶺台係路口鵝咀攞水，一條吋半上山比水泊左入紙廠既上水泵，上水泵一條吋半車頂Monitor淋濕近廠既草，另外一條吋半百二度出兩支jets 山邊stand-by佢燒落來，影左兩張紙廠老細鬼殺咁嘈，落返路，下個路口又係燒緊落民居，粉嶺細搶同大埔泵就山草拍背泵上山搏殺，之後紙廠哦便搞掂，上水泵就過埋來做Water shuttling比水大埔泵拉左條rubber喉上山射，直升機扔水彈，我同架車中曬頭獎！一身泡，好在GFS唔係用外國既紅色阻燒濟，唔係一定好似俾人淋紅油。呢便咁上下過去最初粉嶺泵高埔村哦便，粉嶺泵拍上水台、上水大搶、打薣嶺輕泵。原本沙頭角輕泵做簡頭村，係同一轉來，FAGI走人。呢便三條火線，GFS扔左幾轉搞掂埋，收工。
紅磡時新的漢堡包真係好好食喎，今日試左芝士漢堡蛋飽，塊漢堡扒係新鮮牛肉打成，唔係現成一塊塊哦d，好有牛肉味，十五蚊，超值！一定要再去支持下。
牛記，第一次食，海鮮真係唔錯，條魚蒸得好靚，小菜不過不失，價錢大排檔來講貴左少少，十個人每人都要二百幾，又係可以再食。
http://www.openrice.com/restaurant/sr2.htm?shopid=12788
《IQ84》賣得火熱，才剛把《大江大海》看完，之前看龍應台的《野火集》後，喜歡她的文字把那女性的溫柔細膩、對事物的細心觀察及激情，通通壓在理性下寫出來。平靜又感性。如她所說，戰爭從沒勝利者。由第一響鎗聲亮起，交戰雙方的官兵，流離失所的難民，就開始沒有做〝人〞的權利，戰死的死、餓死的死，他們全都不能為自己生命作主。茍且偷生的，心靈也死去一部份。不是失去兒女愛人，就是失去一條腿或一隻臂。這通通不只是禍害一代人的事，戰爭的傷痛由父傳子，子傳孫，一路影響下去。書中記載的慘絕人寰，在這悲情不再值錢的年代，除了令人哭過一、兩晚後就忙記，我知道世界和平的希望真的是很奢侈。
一年一度的appraisal轉眼又到了，分數和上年差不多，車公真的很準，記得上年新年因工作訪問順道到車公求了籤，記得其中求事業的是下籤，這年的工作真是差到不得了，今年不再求了。老細的評分中紀律和溝通是最低分，其它也一般可以吧，最後加上一句，你控制下情緒吧。對，我也想呢。
住村屋原來又好似幾好咁喎，有私人空間冇咁密集式，又近郊外真花真草唔係人工盆栽 。但鄰居好多都養左唔止一隻狗，應該唔會靜得去邊，亦都相信好多曱甴老鼠，真係有辣有唔辣。
一、二、三、四被困在房中。
看了《2012》，我好懷疑有冇外國人會用十億歐羅去坐一艘由豆腐渣、毒奶、假蛋國家造的船。世界末日都係咁話啦，而且就算隻船唔係假,你買左既飛都可能係假! 同埋比著係我，我都唔會上船，全世界一齊死幾好呀，沒有人失去、沒有人傷心，都唔錯呀！
